Uber 於收購飛的不足一星期, 又有新動作

https://maps.app.goo.gl/BRiM6pv87qU6NdXW9?g_st=iw

政府宣布，由這個星期日（5月31日）開始，的士、公共小巴同學校私家小巴（保母車）加氣每公升減 $0.5，為期兩個月到 7月30號。 點解有呢個補貼？因為油價浮動，政府想幫這些客運車輛減低營運成本，減少加價壓力。預計有超過 2萬輛車 受惠： 點樣領？超級方便！全港 66個石油氣加氣站 直接俾折扣，加氣嗰陣就自動減 $0.5，唔洗登記、唔洗申請，所有石油氣的士、小巴、保母車（包括混能）都可以用。

筆者幾經艱辛歷盡滄桑; 為要尋找隱世的士佬美食 今日終於黎到鴨脷洲依個 全世界人口密度第二高嘅島嶼; 夜嗎嗎落到鴨脷洲大街, 第一眼就比依個大大隻字既招牌吸引, 所以就決定食依間。 地址: 鴨脷洲大街150號怡慶大廈地下4號舖(悅海街) 收舖時間: 晚上11時 果然係隱世美食. 店員態度認真, 冇HEA做; 臨收工有客入去都會盡力為你做。 鋪仔雖然細細但係好有溫暖的感覺; 值得一讚 帶我去-手工餃羊肉湯館

本人立場不代表的士業界立場; 我只係以一個小小的替工 司機既立場來看 其實  「Uber」 在香港收購「飛的」呢個消息都不止是第一次傳出來,  不過至少現在係正式公布。 記得幾年前, 「Uber」都喺以同樣嘅方法收購「HK taxi」  對於司機嚟講我覺得其實都係差唔多; 因為當年的「HKTAXI」 同埋現在既 「飛的」  本身都會收取司機嘅一啲服務費;(買分) 有一啲師兄們會話 uber 食水深; 但係當司機, 用真分白銀買完分, 但係都是一樣「搶」吾到單, 咁樣, 佢地係吾係都可以話係「食水深」呢? 反而uber 每次抽成, 我覺得都幾合理; 畢竟, Uber 個APP都有為你作出服務, 起碼你去接單果陣, 個客會知你大約咩位置, 吾使打多幾次電話問你,係邊同埋幾耐到….聽少次電話 渣車都安全D,  係咪?

經過一個漫長既晚上, 終於到左收工早餐時。 碰巧早更一早講定遲少少先開工, 咁我就決定食埋個早餐先去交車。 辛苦搵黎至在食。仲要坐得舒服咁就一定唔少得 早上開店時間: 5:30AM 地址: G/F, 312, 秉暉大廈長沙灣元洲街 帶我去

沙田有長者準備過海去上環東華醫院睇病，點知喺的士站等咗一陣，幾架車都疑似唔肯載。有同行司機拍低片段上網，直言睇到都覺得心淡，仲話「呢行自己搞死自己」。 其實筆者好多時排的士站, 都會預到好多依D情況…. 由其係接近交更前後2小時… 非常多. 筆者試過一更次內2次都同樣接載前車所放棄的乘客。 其實我想各位反醒一下, 包括睇緊文章既你, 同埋你. 究竟邊個搞死香港的士佬? 香港的士業今日搞到咁，真係唔好再扮無辜。拒載、揀客、兜路、濫收車資、態度惡劣，呢啲問題唔係一兩單「個別事件」，而係成個行業長年累積出嚟嘅惡習。 最諷刺係，當乘客一次又一次受氣，業界反應唔係真正檢討服務，而係最擅長怪網約車、怪政府、怪市場。但如果自己服務咁差，點解乘客一定要忍你？ 更現實嘅問題係：香港人唔係唔肯畀錢，係唔想畀錢買受氣。當市民可以用更透明、更方便、更有禮貌嘅方式出行，點解仲要留喺一個連基本接客都做唔好的制度入面？ 講到底，搞死香港的士業嘅，唔係單一對手，係業界自己多年來對爛習慣視而不見，對改革敷衍了事。唔改，唔死都難。 香港的士，最爛唔係的士，係那個臭爛嘅交更制度。 上更司機遲到，下更司機被迫等，生意時間就啖啖肉被食。告票 易通行 歸屬搞不清，壞車無人修，下更司機開工就瓜瓜嘈 。上更司機明知車有問題唔報，下更司機接手先至知要開去車房，成本誰來付？ 呢個制度，根本就是上更坑下更、打理人瞓覺、司機互相鬥氣。遲交更、鬧交更、告票扯皮、壞車拖糧，成個行業就係一個「互相折磨」嘅循環。 市民截車難、拒載多、服務差，只係話係司機既問題？司機要係黃金時間等人交更、要背黑獲、要修車、要等打理人，點解你鬧得咁輕鬆？ 更可笑的是，當發生問題，打理人第一反應係「司機自己搞」、「唔係我問題」，然後走數。結果呢？乘客受氣，司機受罪，車行發財，制度繼續爛。 如果连最基本的交更都搞唔好，點望你服務質素好？如果連打理人都唔肯負責，點望司機有動力做好？如果連上更下更都互相坑，點望行業有未來？ 的士業要反醒，不是反醒「司機態度」，而是反醒那個令司機亙相仇恨、放縱管理、誰都唔負責嘅臭爛制度。 制度不改，的士業永遠都是「自己搞死自己」。