的士佬飯堂

在晚間的道路上奔馳, 除左消枆電動車既電量之外, 就係自己既體力。 筆者係柴灣落客, 原來已經深夜, 餓餓地又同時餘下少少電, 把心一橫決定食下野先。 來到港島, 咁更係要黎有 「港島宵夜天堂」之稱既西灣河太安樓。 太安樓被譽為「港島宵夜天堂」，因其匯聚超過60間地道小店，營業至深夜，是港島掃街首選。 太安樓店舖多為立食或外賣，店舖營業時間各異，部分名店在傍晚至深夜時段最為熱鬧，是體驗香港「夜市」文化的好去處 今次筆者去買個外賣, 之後就搵個地方邊充電邊食野喇。 一見依間小炒仲有好多人排隊, 同埋係現炒. 火氣十足。 地址 : 香港西灣河筲箕灣道57-87號太安樓地下A2-9號鋪 營業時間:  最少到早上3點 帶我去

經過一個漫長既晚上, 終於到左收工早餐時。 碰巧早更一早講定遲少少先開工, 咁我就決定食埋個早餐先去交車。 辛苦搵黎至在食。仲要坐得舒服咁就一定唔少得 早上開店時間: 5:30AM 地址: G/F, 312, 秉暉大廈長沙灣元洲街 帶我去

筆者幾經艱辛歷盡滄桑; 為要尋找隱世的士佬美食 今日終於黎到鴨脷洲依個 全世界人口密度第二高嘅島嶼; 夜嗎嗎落到鴨脷洲大街, 第一眼就比依個大大隻字既招牌吸引, 所以就決定食依間。 地址: 鴨脷洲大街150號怡慶大廈地下4號舖(悅海街) 收舖時間: 晚上11時 果然係隱世美食. 店員態度認真, 冇HEA做; 臨收工有客入去都會盡力為你做。 鋪仔雖然細細但係好有溫暖的感覺; 值得一讚 帶我去-手工餃羊肉湯館

筆者成個晚上都被困在新界西北, 一路都冇單出城。咁岩餓餓地入黎食個粉. 簡簡單單, 食飽又快快去開工 地址: 香港天水圍天一商城地下20號店舖 收舖時間: 深夜一時正 帶我去-輝記香港仔魚蛋粉

筆者如果在啟德或者九龍城落倒客, 必然會先黎依度為自己加加油先 食返個車仔面, 炸三寶同埋燒賣魚旦。 帶我去-味龍BBQ(九龍城)