Uber 於收購飛的不足一星期, 又有新動作

有網民分享一段乘車片段，指搭上一輛的士時，發現年長司機疑似「恰眼瞓」，雙手雖然揸住軚盤，但頭部不斷向前點，眼神完全唔集中，畫面令人睇到即刻心寒。 事主坦言，雖明白司機年紀大仍要工作、養家不易，但自己一家幾口都坐喺車內，所有安全都係交喺對方手上，而家呢種狀態上路，根本係「博命」。「養家唔係犯錯嘅藉口」，網民熱議之際，亦紛紛要求政府正視高齡司機嘅安全問題。 留言區已經炸開： 你搭的士有冇遇過類似「半瞓司機」？你會點做？歡迎留言分享你個應對位！👇 (AI 生成圖片)

本人立場不代表的士業界立場; 我只係以一個小小的替工 司機既立場來看 其實  「Uber」 在香港收購「飛的」呢個消息都不止是第一次傳出來,  不過至少現在係正式公布。 記得幾年前, 「Uber」都喺以同樣嘅方法收購「HK taxi」  對於司機嚟講我覺得其實都係差唔多; 因為當年的「HKTAXI」 同埋現在既 「飛的」  本身都會收取司機嘅一啲服務費;(買分) 有一啲師兄們會話 uber 食水深; 但係當司機, 用真分白銀買完分, 但係都是一樣「搶」吾到單, 咁樣, 佢地係吾係都可以話係「食水深」呢? 反而uber 每次抽成, 我覺得都幾合理; 畢竟, Uber 個APP都有為你作出服務, 起碼你去接單果陣, 個客會知你大約咩位置, 吾使打多幾次電話問你,係邊同埋幾耐到….聽少次電話 渣車都安全D,  係咪?

話說早幾年當八達通推出藍牙收款機時, 我都已經申請左黎用. 有時去到山卡喇咁遠既地方果陣, 收款機又時會冇藍牙停左, 之後又有果D手機信號既情況出現。搞搞下, 個客都係比返現金算。 到左依個法令生效前, 其實都有好多篇遠地區, 不輪港九新界, 它們的流動數據網路覆蓋依然未能支援電子支付。 那麼的士電子支付法例的意義何在? 乘客又應如何自處? 筆者還是建議那些在篇遠地區下車的乘客, 要麼仍要現金支付, 要麼就使用一些在上車時就已經預扣支付的工具好了。 NOW 新聞台: 記者測試電子支付冇信號

沙田有長者準備過海去上環東華醫院睇病，點知喺的士站等咗一陣，幾架車都疑似唔肯載。有同行司機拍低片段上網，直言睇到都覺得心淡，仲話「呢行自己搞死自己」。 其實筆者好多時排的士站, 都會預到好多依D情況…. 由其係接近交更前後2小時… 非常多. 筆者試過一更次內2次都同樣接載前車所放棄的乘客。 其實我想各位反醒一下, 包括睇緊文章既你, 同埋你. 究竟邊個搞死香港的士佬? 香港的士業今日搞到咁，真係唔好再扮無辜。拒載、揀客、兜路、濫收車資、態度惡劣，呢啲問題唔係一兩單「個別事件」，而係成個行業長年累積出嚟嘅惡習。 最諷刺係，當乘客一次又一次受氣，業界反應唔係真正檢討服務，而係最擅長怪網約車、怪政府、怪市場。但如果自己服務咁差，點解乘客一定要忍你？ 更現實嘅問題係：香港人唔係唔肯畀錢，係唔想畀錢買受氣。當市民可以用更透明、更方便、更有禮貌嘅方式出行，點解仲要留喺一個連基本接客都做唔好的制度入面？ 講到底，搞死香港的士業嘅，唔係單一對手，係業界自己多年來對爛習慣視而不見，對改革敷衍了事。唔改，唔死都難。 香港的士，最爛唔係的士，係那個臭爛嘅交更制度。 上更司機遲到，下更司機被迫等，生意時間就啖啖肉被食。告票 易通行 歸屬搞不清，壞車無人修，下更司機開工就瓜瓜嘈 。上更司機明知車有問題唔報，下更司機接手先至知要開去車房，成本誰來付？ 呢個制度，根本就是上更坑下更、打理人瞓覺、司機互相鬥氣。遲交更、鬧交更、告票扯皮、壞車拖糧，成個行業就係一個「互相折磨」嘅循環。 市民截車難、拒載多、服務差，只係話係司機既問題？司機要係黃金時間等人交更、要背黑獲、要修車、要等打理人，點解你鬧得咁輕鬆？ 更可笑的是，當發生問題，打理人第一反應係「司機自己搞」、「唔係我問題」，然後走數。結果呢？乘客受氣，司機受罪，車行發財，制度繼續爛。 如果连最基本的交更都搞唔好，點望你服務質素好？如果連打理人都唔肯負責，點望司機有動力做好？如果連上更下更都互相坑，點望行業有未來？ 的士業要反醒，不是反醒「司機態度」，而是反醒那個令司機亙相仇恨、放縱管理、誰都唔負責嘅臭爛制度。 制度不改，的士業永遠都是「自己搞死自己」。

香港叫車的士 App「飛的」近日突然彈出公告，指平台會在10月19日停止服務，並叫用戶轉用 Uber，嚇親不少乘客和司機。 由於 Uber 早前已收購「飛的」，而 HKTaxi 亦曾在被 Uber 收購後停止運作，事件令部分司機擔心「飛的」會否最終都被整合到 Uber App 有司機更擔心，自己已經繳交的會費及帳戶內款項會否受到影響。現時「飛的」未有宣布會停止服務，詳細安排仍有待官方進一步交代。 一偏愁雲慘霧, 有司機就宣洩以下嘅圖片表示一刻嘅心情

青山公路荃灣段今日驚現「馬路如虎口」現實版：一輛Amigo的士直接停在右二線、上屯門公路斜路前，司機落車幫乘客搬4件行李，兩人拖着行李橫越2條行車線才到行人路🚖💨 🔥 網民火力全開 「一個癲加兩個喪」「仲衰過cut線」「沒有最痴線，只有更痴線」「死火燈都無打」「黐X線，一定要舉報」 整段影片由後方巴士乘客拍攝，巴士被迫停車，乘客怒斥「黐X線」！ 🎯 誰有問題？司機 vs 乘客 Amigo車隊聲明： 車隊回應： ⚖️ 官方跟進 部門 行動 警方 接獲電子報案，暫列「交通投訴」，新界南總區跟進，調查進行中  運輸署 非常關注，已要求營辦商提交報告，敦促司機必須在適當位置上落客  運輸署重申：駕駛者不得在構成危險的地方停車，路中心落客不但阻塞交通，更嚴重威脅其他道路使用者安全 💡 我的觀點 馬路不是戰場，的士司機不是雜工。安全位置的選擇，是專業底線。 應駛往安全處 不應在路中心停下 符合法律要求  違反交通規例  避免二次風險  引發交通阻塞及意外  保護司機安全  司機暴露在危險中 有標準應變程序  無專業處理依據 履行專業責任  損害行業形象 馬路如虎口，路中落客＝玩命。司機即使被脅迫，也應駛往安全地點或報警，而非在路中心停車  📌 結語 事件無人受傷、無意外，但險象環生。Amigo作為2025年3月新進車隊（約1,000輛車），主打「如朋友般親切」，今次卻成輿論焦點 ** 馬路如虎口，路中落客＝玩命**。一定要嚴肅跟進！ #的士 #青山公路 #道路安全 #Amigo #荃灣 #交通投訴