本人立場不代表的士業界立場; 我只係以一個小小的替工 司機既立場來看
其實 「Uber」 在香港收購「飛的」呢個消息都不止是第一次傳出來, 不過至少現在係正式公布。
記得幾年前, 「Uber」都喺以同樣嘅方法收購「HK taxi」 對於司機嚟講我覺得其實都係差唔多;
因為當年的「HKTAXI」 同埋現在既 「飛的」 本身都會收取司機嘅一啲服務費;(買分)
有一啲師兄們會話 uber 食水深; 但係當司機, 用真分白銀買完分, 但係都是一樣「搶」吾到單,
咁樣, 佢地係吾係都可以話係「食水深」呢?
反而uber 每次抽成, 我覺得都幾合理; 畢竟, Uber 個APP都有為你作出服務,
起碼你去接單果陣, 個客會知你大約咩位置, 吾使打多幾次電話問你,係邊同埋幾耐到….聽少次電話 渣車都安全D, 係咪?
沙田有長者準備過海去上環東華醫院睇病，點知喺的士站等咗一陣，幾架車都疑似唔肯載。有同行司機拍低片段上網，直言睇到都覺得心淡，仲話「呢行自己搞死自己」。 其實筆者好多時排的士站, 都會預到好多依D情況…. 由其係接近交更前後2小時… 非常多. 筆者試過一更次內2次都同樣接載前車所放棄的乘客。 其實我想各位反醒一下, 包括睇緊文章既你, 同埋你. 究竟邊個搞死香港的士佬? 香港的士業今日搞到咁，真係唔好再扮無辜。拒載、揀客、兜路、濫收車資、態度惡劣，呢啲問題唔係一兩單「個別事件」，而係成個行業長年累積出嚟嘅惡習。 最諷刺係，當乘客一次又一次受氣，業界反應唔係真正檢討服務，而係最擅長怪網約車、怪政府、怪市場。但如果自己服務咁差，點解乘客一定要忍你？ 更現實嘅問題係：香港人唔係唔肯畀錢，係唔想畀錢買受氣。當市民可以用更透明、更方便、更有禮貌嘅方式出行，點解仲要留喺一個連基本接客都做唔好的制度入面？ 講到底，搞死香港的士業嘅，唔係單一對手，係業界自己多年來對爛習慣視而不見，對改革敷衍了事。唔改，唔死都難。 香港的士，最爛唔係的士，係那個臭爛嘅交更制度。 上更司機遲到，下更司機被迫等，生意時間就啖啖肉被食。告票 易通行 歸屬搞不清，壞車無人修，下更司機開工就瓜瓜嘈 。上更司機明知車有問題唔報，下更司機接手先至知要開去車房，成本誰來付？ 呢個制度，根本就是上更坑下更、打理人瞓覺、司機互相鬥氣。遲交更、鬧交更、告票扯皮、壞車拖糧，成個行業就係一個「互相折磨」嘅循環。 市民截車難、拒載多、服務差，只係話係司機既問題？司機要係黃金時間等人交更、要背黑獲、要修車、要等打理人，點解你鬧得咁輕鬆？ 更可笑的是，當發生問題，打理人第一反應係「司機自己搞」、「唔係我問題」，然後走數。結果呢？乘客受氣，司機受罪，車行發財，制度繼續爛。 如果连最基本的交更都搞唔好，點望你服務質素好？如果連打理人都唔肯負責，點望司機有動力做好？如果連上更下更都互相坑，點望行業有未來？ 的士業要反醒，不是反醒「司機態度」，而是反醒那個令司機亙相仇恨、放縱管理、誰都唔負責嘅臭爛制度。 制度不改，的士業永遠都是「自己搞死自己」。
在晚間的道路上奔馳, 除左消枆電動車既電量之外, 就係自己既體力。 筆者係柴灣落客, 原來已經深夜, 餓餓地又同時餘下少少電, 把心一橫決定食下野先。 來到港島, 咁更係要黎有 「港島宵夜天堂」之稱既西灣河太安樓。 太安樓被譽為「港島宵夜天堂」，因其匯聚超過60間地道小店，營業至深夜，是港島掃街首選。 太安樓店舖多為立食或外賣，店舖營業時間各異，部分名店在傍晚至深夜時段最為熱鬧，是體驗香港「夜市」文化的好去處 今次筆者去買個外賣, 之後就搵個地方邊充電邊食野喇。 一見依間小炒仲有好多人排隊, 同埋係現炒. 火氣十足。 地址 : 香港西灣河筲箕灣道57-87號太安樓地下A2-9號鋪 營業時間: 最少到早上3點 帶我去
有冇人諗過，職業司機最困難嘅唔係塞車，唔係長時間駕駛，而係——搵洗手間。 每日喺路上十幾個鐘，表面上好似自由，但其實連最基本嘅生理需要都要「計時間」。唔係話想去就去，客未落車唔得、路邊無位停唔得、附近無公廁更加無得揀。 有時忍到面青口唇白，只係因為下一站先可能有機會。有啲地方有商場，但唔消費又未必畀你用；有啲油站表面開放，但實際又要睇人面色。最尷尬係急到不得了，但周圍一個合法地方都冇。 我哋成日講服務質素，但好少人會諗，提供服務嘅人，連最基本嘅需要都未被好好照顧。 其實好簡單——多一個開放洗手間，多一份體諒，對佢哋嚟講，已經係好大嘅幫助。 下一次搭車，或者見到司機匆匆忙忙，可能佢唔係趕時間，而係真係忍到極限。 城市運作，唔只靠制度，仲靠理解。 帶我去-太古城中心